Dekabrın 7-də Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu və Rabitə və İnfor­ma­siya Texnologiyaları Nazirliyinin Azərbaycan rabitəsinin 130 illiyi münasi­bə­tilə keçir­diyi fərdi jurnalist yazıları müsabiqəsinin yekunları ilə bağlı tədbir keçiril­mişdir. Tədbirdə nazirliyin və onun ayrı-ayrı strukturlarının rəh­bərləri, habelə kütləvi informasiya vasitələrinin nümayəndələri iştirak et­miş­lər.

Rabitə və informasiya texnologiyaları nazirinin müavini İltimas Məmmədov tədbiri giriş sözü ilə açaraq Azərbaycan rabitəsinin 130 illiyinin respub­lika miqyasında geniş qeyd olunduğunu, dövlət başçısının sərəncamları əsasında bu sahənin inki­şafında müstəsna xidmət­ləri olan bir qrup əməkdaşın yüksək fəxri adlara layiq görül­düyünü bildirmişdir. Fondla nazirliyin birgə təşkil etdiyi fərdi jurnalist yazıları müsabiqəsinin yekunlaşdığını və qaliblərin müəyyənləşdiyini diqqətə çat­dıran İltimas Məmmədov demişdir ki, belə tədbirlərin keçirilməsi mətbuat nümayəndələri ilə nazir­liyin qarşılıqlı faydalı əməkdaşlıq münasibətlərinin daha da inkişafına, habelə cəmiyyətin rabitə sahəsində islahatlar və yeniliklər barədə obyektiv məlumatlandırılmasına xidmət edir. Nazir müavini qalibləri təbrik etməklə yanaşı, ölkə jurnalistlərinin ra­bitə sahəsində islahatların ictimaiyyətə çatdırılmasında bundan sonra da fəallıq gös­tərəcəklərinə əminliyini bildirmişdir.

Fondun icraçı direktoru Vüqar Səfərli çıxışında Azərbaycan rabitə­sinin 130 illi­k yubileyini ölkə əhəmiyyətli hadisə kimi dəyərləndirərək bu münasibətlə nazirliyin çoxsaylı kollektivini səmimi təbrik etmiş, ölkə başçısının müvafiq sərən­camları ilə fəxri adlara layiq görülmüş rabitəçilərə gələcək fəaliyyətlərində uğurlar arzulamışdır.

Daha sonra müsabiqənin yekunları barədə məlumat verən Vüqar Səfərli noyabrın 4-dən dekabrın 1-dək Fonda ümumilikdə 42 yazının təqdim olunduğunu bildir­miş­dir. Fondun icraçı direktoru, həmçinin müsabiqənin 7 istiqamət üzrə keçirildiyi­ni, hər istiqamət üzrə 3 qalibin müəyyənləşdirildiyini, 10 yazı müəl­­­lifinin isə həvəsləndirici mükafata layiq görüldüyünü tədbir iştiraçılarının diq­qətinə çatdırmışdır. Vüqar Səfərli müsabiqə şərtlərinə görə I yerin qalibləri üçün 1000 manat, II yerin qalib­ləri üçün 800 manat, III yerin qalibləri üçün 600 manat, eləcə də 10 həvəsləndirici yerin qaliblərinin hər biri üçün 300 manat mükafatın nəzərdə tutulduğunu bildirmişdir.

Daha sonra tədbirdə iştirak edən bir sıra qəzetlərin baş redaktorları və nazir­liyin rəhbər şəxsləri fəxri diplom və pul mükafatlarını müsabiqə qaliblərinə təqdim etmişlər. Mükafatlandırma mərasimindən sonra çıxış edən Azərbaycan Mətbuat Şurasının sədri Əflatun Amaşov, «İki Sahil» qəzetinin baş redaktoru Vüqar Rəhimzadə, «Aztelekom» İstehsalat Birliyinin baş direktoru Məhəmməd Məhəmmədov qalibləri təb­rik etməklə yanaşı, kütləvi informasiya vasitələri il rabitə strukturları arasında normal münasibətlərin daha da inkişaf etdirilməsi vacibliyini qeyd etmiş­lər.

Tədbirin sonunda Fondun icraçı direktoru Vüqar Səfərli belə bir müsabiqənin təşkilinə görə Rabitə və İnformasiya Texnologiyaları Nazirliyinin rəhbərliyinə minnətdarlığını bildirmişdir.

Müsabiqənin nəticələri:

I İSTİQAMƏT

Medianın inkişafında İKT-nin rolu.

II İSTİQAMƏT

Azərbaycan telekommunikasiyası inkişaf yolunda.

III İSTİQAMƏT

Azərbaycanda İKT-nin inkişafı və informasiya təhlükəsizliyinin təminatı.

IV İSTİQAMƏT

Azərbaycan poçtunun dünəni və bugünü.

V İSTİQAMƏT

Azərbaycanda informasiya cəmiyyəti quruculuğu: elektron

hökümət.

VI İSTİQAMƏT

Azərbaycanda kosmik sənayenin inkişaf perspektivləri

VII İSTİQAMƏT

Azərbaycan virtual məkanda: milli maraqlarımızı necə təmin edək.

Həvəsləndirici mükafatlar

1. Süleymanov Rəşad Məhəmməd oğlu APA İnformasiya Agentliyinin

Müxbiri

2. Namazov Elçin Sabir oğlu "İki Sahil” qəzetinin bölmə müdiri

3. Abbasov Pərvin Əkbər oğlu "Lent.az” İnformasiya Agentliyinin

Müxbiri

4. Hüseynova Gültəkin Knyaz qızı "Azadlıq” qəzetinin müxbiri

5. Bayramov Rasim Məzahir oğlu "Mövqe” qəzetinin redaktoru

6. Hüseynli Alim Ziyadxan oğlu "Olaylar” qəzetinin müxbiri

7. Nəbiyeva Ülkər Fərhad qızı "525- ci” qəzetinin müxbiri

8. Kazımov Xalid Vahid oğlu "Üç Nöqtə” qəzetinin müxbiri

9. Şirinov Şahin Şirin oğlu "Futbol+Qol” qəzetinin müxbiri

10. Nəsibova Xanım Hopal qızı "Kür” qəzetinin müxbiri

KIVDF

informasiya xidməti