Noyabrın 24-də Azərbaycan Respublikası Prezidenti yanında Kütləvi İn­for­­ma­si­ya Vasitələrinin İnkişafına Dövlət Dəstəyi Fondu (KİVDF) və Nərimanov Rayon İcra Hakimiyyətinin birgə təşkilatçılığı ilə «Müstəqil Azərbay­can 20 : mətbuatı­mı­zın cəmiyyətin inkişafında rolu» mövzusunda konf­rans keçi­rilmişdir. Tədbirdə Nərimanov rayonu­nun, o cümlədən idarə və təş­kilatlarının rəhbərləri və respublikanın apa­­rıcı kütləvi infor­masiya vasitələri­nin nüma­­yən­dələri iş­ti­­rak etmişlər.

Tədbiri giriş sözü ilə açan Nərimanov rayon icra hakimiyyətinin başçısı Abdin Fərzəliyev qonaqları salamlayaraq demişdir ki, belə bir konfransın keçirilməsi icti­maiy­yətin son illərdə respublikada ictimai həyatın bütün sahələrində hə­yata ke­çi­­rilən islahatlar, o cümlədən Nərimanov rayonundakı genişmiq­yaslı abad­lıq, qu­ru­culuq və yenidənqurma işləri barədə obyektiv məlumatlan­dırıl­ması baxı­­mından mü­hüm əhəmiyyət daşıyır. Abdin Fərzəliyev əmin olduğunu bil­dir­miş­dir ki, konf­rans rayonun rəhbər şəxsləri ilə kütləvi informasiya vasi­tə­lərinin qarşılıqlı fay­dalı əməkdaşlıq münasibətlərinin inkişafında yeni imkanlar açacaqdır.

Azərbaycan Respublikası Prezidenti yanında Kütləvi İnfor­ma­si­ya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli çıxışında 2011-ci ildə Azərbaycanın dövlət müstəqilliyinin bərpasının 20 illik yubi­leyinin res­­­publikada yüksək səviyyədə qeyd olunduğunu bildirmiş, eyni zamanda, milli mətbuatın cəmiyyətin inkişafındakı rolundan danışmışdır. Müstəqillik illə­rində milli mətbuatın keçdiyi tarixi inkişaf yoluna nəzər salan Fondun icraçı direktoru öl­kə­də söz, fikir və məlu­­mat azadlığının təminatı sahəsində hə­yata keçiri­lən genişmiqyaslı tədbir­lər­­­dən söz açmışdır.

Müstəqilliyin ilk illərində ölkədə bar­maqla sayılacaq qədər az qəzetin oldu­ğunu diqqətə çəkən Vüqar Səfərli son illərdə mətbuat orqanlarının təsis edilməsi üçün son dərəcə liberal mü­hitin yaradıldığını bildirmiş, bunun nə­ti­­cəsi kimi 5000-ə yaxın qəzet və jurnalın Ədliyyə Nazirliyində qeydiyyatdan keç­­­di­yini diqqətə çatdırmışdır. Həmçinin bildirmişdir ki, 2009-cu ildə Azərbaycan Prezidenti cənab İlham Əliyevin sərən­camı ilə Küt­ləvi İnfor­ma­si­ya Vasi­­tələrinin İnki­şafına Dövlət Dəstəyi Fondunun yaradılması ölkə mət­buatının inki­­şa­fına və maliyyə problemlərinin həllinə mühüm töhfə olmuşdur.

Vüqar Səfərli qeyd etmişdir ki, Fondun maliyyə yardımları ölkə mətbuatının inkişafında və jurnalistlərin sosial vəziyyətinin yaxşılaşdırılmasında mühüm rol oyna­yır. Fondun icraçı direktoru çıxışının sonunda əmin olduğunu bildirmişdir ki, belə tədbirlər mətbuat nümayəndələri ilə dövlət məmurları arasında sivil əmək­daşlıq münasibət­lərinin daha da genişlənməsinə təkan verəcəkdir.

Daha sonra məruzə ilə çıxış edən Azərbaycan Mətbuat Şurasının sədri Əflatun Amaşov ölkə mətbuatının yaranması və tarixi inkişaf yoluna nəzər salmış, müxtəlif mərhələlərdə milli jurnastikamızın cəmiyyətin tərəqqisinə verdiyi sanballı töhfə­lərdən söz açmışdır. Əflatun Amaşov həmçinin, Azərbaycanın döv­lət müstə­qil­­li­yinin bərpasında və möhkəmləndirilməsində ötən əsrin 90-cı illəri­nin əvvəllə­rində təşəkkül tapmış qəzet­lərin rolundan danışmış, ulu öndər Heydər Əliyevin siyasi iradəsi ilə mətbuat üzərində senzuranın ləğvini kütləvi infor­masiya vasitələ­rinin inkişafında keyfiyyətcə yeni mərhələ kimi dəyərləndir­miş­dir. Əflatun Amaşov ulu öndər Heydər Əliyevin rəhbərliyi altında ölkə həyatının ən müxtəlif sahələ­rində həyata keçirilən islahatların cəmiyyətə dolğun və obyektiv şəkildə çatdırıl­ma­sında, habelə demokratik proseslərin inkişafında ölkə mətbuatı­nın xidmətlərinə də xüsusi toxunmuşdur.

Nərimanov rayon icra hakimiyyətinin başçısı Abdin Fərzəliyev xüsusi vurğu­­lamışdır ki, rəhbərlik etdiyi rayon ölkədəki dinamik sosial-iqtisadi inkişaf və abad­lıq-quruculuq işlərini öz nümunəsində qabarıq şəkildə əks etdirir. Genişmiqyaslı abadlıq, quruculuq və yenidənqurma işləri barədə məlu­mat verən Abdin Fərzəliyev demişdir ki, qarşıdakı illərdə Nərimanov rayonunda Heydər Əliyev Mər­­kə­zinin tikintisi, T.Bəhrəmov adına Respublika Stadionun yenidənqurulması, Rəssamlıq və Diplomatik akademiyaların yeni binalarının inşası başa çatdırılacaq­dır. Eyni zaman­da paytaxt üçün son dərəcə mühüm əhəmiyyət daşıyan yol-nəq­liyyat layihələrinin icrası başa çatdırılacaqdır. Abdin Fərzəliyev çıxışında rayon sa­kin­lərinin sosial-məişət şəraitinin yaxşılaşdırılması sahəsində həyata keçirilən təd­birlər barədə də tədbir iştirakçılarına məlumat vermişdir.

Daha sonra dialoq və diskussiya şəklində davam edən tədbirdə Nərimanov rayonunun rəhbər şəxsləri, habelə rayon ictimaiyyətinin nümayəndələri onları maraq­landıran suallarla bağlı kütləvi informasiya vasitələrinin rəhbərlərinə müraciət etmişlər.

Re­ket jurnalistikaya qarşı mübarizə sahəsində görülən işlərlə bağlı sualı cavab­lan­dıran Mətbuat Şurasının Reket jurnalistika ilə mübarizə komissiyasının sədri Vüqar Rə­himzadə son illərdə ölkə mətbuatını nüfuzdan salan 80-dan çox qə­zetin adının «qara siyahı»ha salındığını diqqətə çatdırmışdır. O, bütün cəmiyyəti reket jurna­lis­tikaya qarşı mübarizədə, onların ifşasında yaxından iştirak etməyə çağır­­mışdır.

Sonda Abdin Fər­zəliyev Nərimanov Rayon İcra Hakimiyyəti və Kütləvi İnformasiya Vasitələrinin İnkişafına Dövlət Dəstəyi Fondunun birgə təşəbbüsü ilə jurnalistlər üçün «Nərimanov rayonunun sosial-iqtisadi inkişafının vəziyyəti» mövzu­sunda yeni yazı müsabiqəsinin keçiriləcəyini bildirmişdir. O demişdir ki, müsabiqənin keçirilməsinə məqsəd son illərdə rayonda həyata keçirilən tədbirləri və mövcud problemləri mətbuatda obyektiv şəkildə işıqlandırmaqdır.

Tədbirdə çıxış edən digər məmurlar və kütləvi informasiya vasitələrinin rəhbərləri ilə qarşılıqlı faydalı əməkdaşlıq əlaqələrinin genişləndirilməsi baxımından belə tədbirlərin əhəmiyyətini vurğulamışlar.